鎌倉，一個美麗的沿海小城，提起鎌倉你可能諗起水族館、SLAM DUNK，其實鎌倉仲有好多野等緊你發掘！
鎌倉大佛作爲代表性景點更是久負盛名，第一次去鎌倉既話都會將大佛列入行程。但係小編去完總覺得，鎌倉大佛所在既高德院本身除左大佛之外就無咩好睇。但係一次黎到無理由只同大佛selfie完打卡就走，今次就由粹日本為你推介「尋找小佛」之旅！
前往高德院最近的車站是江之島電鐵既「長谷」站，出閘後向著大海相反既方向一路前行。
難得去旅遊當然希望用盡每分每秒，但係誠意請大家放慢腳步，感受時間既流動，自然就會響朝見大佛既途中邂逅可愛既小佛 ……下邊既小佛你有見過嗎？
街上隨處可見既旗仔。
好多路邊小店都會掛住自家特製大佛暖簾。可愛的、威嚴的、憨厚的……神態各異。
響到訪大佛既途中經過一間「駄菓子屋」（日本傳統零食店）。
駄菓子屋賣既都係一啲平價小食，香港人都食過既「美味棒」（唔係山崎麵包個款）就係駄菓子，而大家小學實食過既「牛仔片」就可以算係港版駄菓子既一種。
而鎌倉呢一家「駄菓子屋鎌倉長谷店」仲有很多此處獨家既大佛版駄菓子同精品，價錢當然係繼承駄菓子最大特徵；平！
大佛棒棒糖（70円）
大佛&江之電水果軟糖（200円）
大佛貼紙（300円）
杯墊
地址：神奈川縣 鎌倉市 2-14−20（GOOGLE MAP）
繼續向前行會見到一個十字路口，走向旁邊的分叉路，就可以見到一間超級可愛既CAFE。
舊年9月新開既「kannon coffee」同樣係以大佛為主題，crepe上面放一塊自家製大佛餅乾，除左更好味外亦更特別！
MENU上面先印相，對唔識日文既遊客一樣咁friendly。
精選咖啡豆即點即沖，梳打系列同樣受歡迎。
放響店面既卡仔係店員既作品，攞番一張做書簽先！
地址：神奈川縣鎌倉市長谷3-10-29（GOOGLE MAP）
在kannon coffee小憩片刻，充電後再出發！向前行多一陣就可以見到指示牌，認住上面既大佛嘜頭包無走雞！
向住指示牌方向唔駛行好耐就可以見到高德院，邊看邊欣賞自然、探望路上既小佛，終於到達鎌倉大佛本尊既跟前！小編其實已經去過好幾次高德院，今次行新路線搵新野睇新野食，沿路一切比終點更加吸引！想瞭解院内詳情的可以買飛入去一探究竟，小編離遠同佛像打聲招呼就算lu～
佛曰：施主，無料到此為止，再向前行收你香油錢。
