一年一度既「七夕」雖然係來自中國既節日，但響香港、台灣、日本特地都會有慶祝活動。香港響慶祝傳統節日上依然沿用農曆，而日本早就徹底棄用農曆，所以日本既七夕係新曆7月7日，方便易記。
雖然同樣名為「七夕」，但日本人過既七夕同香港人所知既大有不同。從傳說故事到慶祝活動，都係日本先有、獨一無二！
在「短冊」上寫上願望
日本人過七夕時最重要既活動就係響一張細長既短冊紙片上寫上願望。呢個習俗其實亦係源自中國，最初日本人為左祈求提升裁縫同手藝能力而將以絲綢做祭品。後來七夕習俗傳到民間，就改為廉價但形似的紙片。
寫好既短冊掛上竹枝上面。
日本習俗中常會使用竹作為神事祭祀，原意係以竹既生命力以及殺菌力去邪；另外因為竹筆直生長，亦有將願望上達天庭既意思。
想寫短冊去邊好？
於匕夕期間日本國內各地既神社、寺廟都會有慶祝七夕既活動，亦多有俾公眾寫短冊既設施。近年就連火車站、超市等場所都會放在竹枝同短冊俾民眾寫上願望。
七夕響日本係重要節日之一，當然唔會只係寫下紙仔就算！日本三大七夕祭你又知唔知？
仙台七夕祭(仙台七夕まつり)
宮城縣既「仙台七夕祭」國內外知名，聲勢浩大。
2018年既祭典將於 8月 6日至8日舉行，雖然日本官方既七夕係7月7日，但仙台七夕祭有著悠久歷史，舉辦日期跟從過去農曆。
而七夕祭既前一天亦有一個重要活動，就係一年一度既「仙台七夕煙花節」！19：00至20：30，去仙台市廣瀨川就睇得到！
仙台七夕祭詳情：
https://ikidane-nippon.com/hk/interest/sendai-tanabata-matsuri
官方網頁: https://www.sendaitanabata.com/tw
安城七夕祭 (安城七夕まつり)
關東有仙台，關西則有愛知縣安城市既「安城七夕祭」。
今年既安城七夕祭剛好係第65屆，除左短冊外亦會有盆踊大會、竹燈籠等演出，一個節日可以體驗到各種日本文化既精彩！
2018年8月3日至5日，唔好錯過！
官方網頁（限日語） : http://www.anjo-tanabata.jp/
湘南平塚七夕祭 (湘南ひらつか七夕まつり)
三大七夕祭中最後一個就響東京附近，神奈川縣湘南既「湘南平塚七夕祭」。
2018年既七夕祭將於7月6日至8日舉行，從東京站乘JR上野東京線或JR湘南新宿線到平塚只需約一小時。
湘南平塚七夕祭詳情：
http://ikidane-nippon.com/hk/interest/shonan-hiratsuka-tanabata-matsuri
官方網頁 : http://www.tanabata-hiratsuka.com/
除左三大七夕祭以外，日本各地仲有其他七夕節日，一齊黎睇睇！
下町七夕祭 (下町七夕まつり)
從淺草至上野的「合羽橋」舉行！
在東京最新景點「晴空塔」下體驗七夕！
2018年既下野七夕祭將於7月5日至9日舉行，而7日至8日為行人專用，可以安心盡情遊玩！
官方網頁: http://shitamachi-tanabata.com/
京之七夕(京の七夕)
京都古城中既七夕祭，出乎意料地cyber又新潮！
舉辦時間並非固定，多數是從八月上旬開始。
官方網頁 : http://www.kyoto-tanabata.jp/ko/
即使唔識日文，一樣可以響旅行途中寫短冊留願，同時體驗日本祭典文化，睇靚景食好野！
