何為「土用丑日」？
如果見到個「丑」字你可以聯想到「十二地支」的話，相信你既文化知識都相當豐富。丑於地支中排第二，所以土用丑中既「丑」代表係「第二日」既意思；
至於土用則係源自農民所用既「二十四節氣」，五行中既「土」響計算日子上係金（秋）、木（春）、水（冬）、火（夏）之間既氣候轉變日子，因此一年有四次土用，每個土用期間會有1或2個「丑日」；是為「土用丑日」。
咁點解要食鰻魚？
本來日本民間傳說中就有「丑之日要食う（U）音開頭既食物」之說（btw，日本十二地支發音同相對應既動一樣，例如丑（牛）、酉（雞），唔駛另外記一次!!），而剛好鰻魚（うなぎ）就係U音開頭。江戶時代有一個人氣「江戶奇才」既平賀源內，為一家鰻魚店既老闆出謀獻策，巧用呢個民間傳說做marketing，結果土用丑食鰻魚就此成為日本人既「習俗」之一啦~~
大熱天時反而唔賣？！日本名物「雪見大福」嘅神奇Marketing
想食鰻魚飯，先要搞清楚淡水鰻與海水鰻
鰻魚與星鰻有無分別？
我地通常提起鰻魚，諗到既都係「淡水鰻」（うなぎ / Unagi），但係食材裡面仲有一種樣子類似、味道口感相似，連名都差唔多既食材「星鰻」（あなご / Anago，亦稱海水鰻）；究竟佢地有咩分別？
淡水鰻
星鰻
生態上，淡水鰻同星鰻其實都係響深海地方出世，但生長期時淡水鰻會移居至淡水湖川，星鰻（海水鰻）就會游去近陸地既淺水區中。
點解響湖川/淺水海岸長大既鰻魚係響深海出生？因為產卵期時兩種鰻都會游回深海地方產卵，而且鰻魚「一生」只有一次產卵機會，因為孕育下一代既機會太罕見，亦導致鰻魚更容易面臨滅絕危機。
至於淡水鰻同星鰻雖然響外表、口感等等上都比較相似，但因為淡水鰻脂肪較多，比星鰻相比味道亦較濃，同時經過「蒲燒」可以帶出獨特既美味；所以星鰻雖然亦係常見既日本料理食材，但二者係無法混用既。
鰻魚飯點揀好之鰻魚重
最經典既鰻魚料理當然要數「鰻魚重」，所謂既重係指方形既「重箱」，使用呢一種重箱既鰻魚蓋飯就被稱為鰻魚重。
鰻Musashi乃
唔講唔知鰻魚定番製法「蒲燒」係起源自埼玉浦和，而呢一間「Musashi乃」就係當地既超名店，近年仲有「新仔御膳」，選用宮崎縣產既新仔鰻魚，雖然價錢較貴但味道更有提升。
店鋪詳情：https://ikidane-nippon.com/hk/interest/unagi-musashino
Tabelog分數（滿分5分）：3.89
清風樓
位於箱根地區既「清風樓」創業逾150年，使用既鰻魚為日本靜岡縣既「共水鰻」，質優味美，而且店鋪就響旅遊勝地箱根附近，行完景點之後一於食鰻魚補充體力！
店鋪詳情：http://ikidane-nippon.com/hk/interest/seifurou
Tabelog分數（滿分5分）：3.03
鰻魚飯點揀好之鰻魚飯三吃（ひつまぶし）
雖然比唔上鰻魚重般日本邊度都食得到，呢一種起源於名古屋既鰻魚料理近年大行其道，一個鰻魚飯多種食法俾你自選俾最大魅力。
熱田蓬萊軒 神宮店
據說「鰻魚三吃」就是由蓬萊軒所創，試新野當然要先試元祖！佢地使用既蒲燒醬由1873年起就只添不換，逾一個世紀既鰻魚風味濃縮其中妙不可言。
店鋪詳情：http://ikidane-nippon.com/hk/interest/atsuta-horaiken-jingu-ten
Tabelog分數（滿分5分）：3.7
丸屋本店 名站店
想更方便就腳就可以品嘗到鰻魚飯三吃，可以選擇位於名鐵名古屋站上蓋既「丸屋本店 名站店」，除左鰻魚飯外，用燒玉子包住蒲燒鰻魚既「鰻魚玉子卷」亦係名物之一，唔好錯過！
店鋪詳情：https://ikidane-nippon.com/hk/interest/maruya
Tabelog分數（滿分5分）：3.62
炭燒 Una富士
呢一間「炭燒 Una富士」響Tabelog得分3.99，響3.5以上已經可以一戰既世界，近4分又係另一個境界！店鋪同樣位於名古屋，試埋呢個比個高下！
店鋪詳情：http://ikidane-nippon.com/hk/interest/sumiyaki-unafuji
Tabelog分數（滿分5分）：3.99
