香港太熱無雪落，小編人生第一次睇雪就係去北海道旅行既時候。而同樣受香港旅客歡迎既東京雖然唔多落雪（一年頂多2、3次），但係配合東京都會、傳統兼具既景色，雪景看來更動人！
舊年（2018年）時小編們就趁機去左影靚靚落雪相，今次如果有幸下雪天時黎東京的話，可以跟著我地既足跡拍下難得既東京雪景！
淺草
東京其中一個必去景點，雪天中既雷門更有韻味。
大紅色既雷門、五層塔上鋪上厚厚既白雪，紅‧白剛好是日本文化中既大喜顏色。
響淺草仲可以見到特色人力車。
JR東京站
以紅磚搭建的東京站係有名既歷史建築物，晚間前往的話亮起燈既東京站更顯瑰麗！
東京鐵塔及增上寺
東京鐵塔無人不識，黎過東京玩的話相信一定去過。增上寺則在鐵塔不不遠處，從上圖角度可以一次過睇到呢兩座建築非常特別。當然響雪景之下又係另一番景象；
記得要入寺睇睇裡面既地藏像，被上一層雪花既地藏唔係成日有得睇！
上野東照宮
2月時上野公園內「上野東照宮」既寒牡丹就會開花，假如剛好碰上下雪的話就可以一睹雪中牡丹既奇景。
為左保護珍貴既寒牡丹，會使用呢D好似草帽一樣既保護罩，呢一種技術從江戶時代就開始應用有著悠久歷史！除左上野東照宮日本仲有其他2個著名既寒牡丹園，想知多D就要睇呢度！
