日本酒響國際市場愈來愈受注目，買日本酒帶番香港送禮既人亦逐漸增多。日本酒除了味覺上既享受外，日本酒以各種不同容量發售用途各異，酒瓶既設計同樣係過人之處。
響日本你可以搵到玻璃杯大小既即飲清酒，亦有大至一、二升既酒瓶。包裝上多以和紙製作酒標，印刷精美部份更會用上書法字體等特別設計非常搶眼。今次小編為大家介紹既則係將酒瓶設計帶到一個新高度既新潟今代司酒造「KOI」（錦鯉）
「錦鯉」的獨特之處
據說新潟縣盛產各種不同顏色既錦鯉，而新潟同樣係以產米同釀造日本酒聞多，甚至新潟產日本酒種類多到可以開一個專門試飲店，你又有無興趣挑戰？
酒瓶本身既設計巧妙地展示一尾完整錦鯉既形態以及花紋，配搭特別製作既包裝盒睇落更像真！
錦鯉設計響我地眼中，首先諗到既可能係錦鯉所代表既好意頭。而今代司酒造選擇錦鯉形象仲有另一個原因。
過去日本米產量不足，白米以及以米釀造既清酒都係貴重品。酒廠、批發、零售店會響酒中層層加水以求增加貨量。呢D溝稀左既酒被人揶揄為「金魚酒」（きんぎょざけ/kingyo-zake），即係金魚可以響裡面游水，清淡如水既酒。
而當時既今代司酒造據說沒有同流合污，依然出貨未經溝淡既日本酒。而今則以威風既錦鯉顯示自家清酒既品質同風骨。
如果你對錦鯉酒有興趣的話，除左可以響日本各地零售店選購外，亦可以於網店購入。價錢為720ml 5,400円（連稅下同）、1,080ml 10,800円。
網店：https://www.imayotsukasa.com/index.html
發現文章有任何問題請話俾小編知☞ 回報表格
