日本睇景的話櫻花係永恆既第一名，然而秋天既紅葉、黃葉同樣令人神往。
日本各地都有紅葉名勝，而富士山山下河口湖不遠處就有一條著名既紅葉回廊（もみじ回廊, Momiji-Kairou），從新宿站或者東京站搭巴士就能夠前往，係一個絕佳既一日遊選擇！
葉回廊本身並不長，到達後參考該地既指示牌遊覽非常方便。每一年紅葉季節時都會舉辦紅葉祭，2019年既會期為11月1日至23日。
紅葉回廊日間與晚間既景色各異，晚間從19:00~22:00之間既亮燈為你帶來別致的艷紅景色！
既然大家係特登請假返鄉下旅行，最好選擇周末及假期以外既平日前往紅葉回廊，至少可以避開周末時既瘋狂人潮。另外如果你打算自駕遊的話，於紅葉祭期間會設有臨時泊車位，到達後跟從指示即可。
天氣好時從紅葉回廊處可以一窺富士山，咁樣既相唔係成日有機會影到！
當地亦設有特產店同小食攤，同時滿足你既視覺、味覺以及購買慾！
相比乘坐高速巴士，搭火車同樣能夠去到河口湖，但就要花費超過3小時車費亦貴過巴士。
本文相片於2018年11月中旬拍攝，記得留意富士河口湖紅葉祭官網資訊！
發現文章有任何問題請話俾小編知☞ 回報表格
