11月1日澀谷新場「SHIBUYA SCRAMBLE SQUARE」盛大開幕！除左47樓SHIBUYA SKY觀景台俾你一睹令和版本既澀谷天際線之餘，設施內既店鋪同樣不容錯過！整幢大樓內有近200間店鋪以及飲食店，如果你想要購入最有日風最精美既手信的話就要去位於11樓既「中川政七商店」啦！
首圖既暖簾已經話你知佢既來頭有幾大，創業於1716年（享保元年）奈良，品牌主題係為日用品帶來新意，促進日本地方傳統藝術、工藝既活性化。走入店內真係感受到佢地slogan所講「進入日本職人工藝的世界」！小小一家店鋪究竟有咩可以讓你大破慳囊？
首先為你介紹2款只在SHIBUYA SCRAMBLE SQUARE分店限定發售既精品！
1. 八公御靈籤
精緻的設計小巧但完美地重現彩色既八公！咁正既商品竟然只係400円！？實在搵唔到哪怕一個不入手既理由！記得裡面有一張御靈籤，睇下你當日既運勢如何！
2. 手巾仔
SHIBUYA SCRAMBLE SQUARE店限定既手巾當然有特別之處！上面印有既全部都係澀谷特色圖案，讓你將「那個特別的十字路口」帶回香港！
3. 茶筒
來自福井縣既茶筒表面覆蓋有一層山次製紙所出品既「浮紙」。同一般成熟穩重（或者話帶點老氣？）既茶筒相比就顯得夠young夠新潮，有藍、黃以及亮橙色三種選擇！
4. 迷你熊手
響酉之市你可以買到正常大小，用以祈求好運既熊手，而響中川政七商店你就可以買到迷你版熊手。除左熊手本身係日本文化之外，上面附有既達摩、招財貓以及鹿仔同樣趣致！
5. 仙貝
仙貝買黎做手信最好不過！包裝上印著既都係日本知名既符號同圖案，送俾朋友一D都唔失禮！
7. 蒸汽乳霜
蒸汽乳霜（Steam Cream）本身可能邊度都買得到，但罐上印著可愛奈良小鹿既就唔多見！
8. 大富翁及其他遊戲道具
你肯定無諗到會響中川政七買到日本工藝版「大富翁」！玩法一樣但design特別，你身邊鍾意玩board game既朋友一定開心！
另一款特別又值得購入既係紙相撲玩具。一包裡面有大量不同設計既相撲手（力士），用黎玩又得，收藏一樣可以！
9. 聖誕主題商品
黎緊就係聖誕節，點可以少得聖誕商品？呢D裝飾品係木製或紙製。如果你接下來會黎東京的話，剛好就可以買返香港做聖誕裝飾！
發現文章有任何問題請話俾小編知☞ 回報表格
